La sinfonia en C-Dur ha Bizet cumponì cun sulet 17 onns. Quai è anc avant ch'el ha survegnì il grond premi da Roma ed ha pudì ir durant trais onns en la chapitala taliana per profundar sia scolaziun musicala. Bizet n'era da lez temp anc betg enconuschent, uschia n'ha el sez er mai udì sia sinfonia. Durant 80 onns èn las notas da questa sinfonia, la partitura stada zuppada en in truchet. Cartaivlamain è quell'ovra er sulet il resultat d'in exercizi d'in cumponist giuven.
Musicalmain pon ins constatar che Bizet, in cumponist da la romantica, è sorientà fitg vid ils idols da la classica. Sia sinfonia fa la parita d'ina sinfonia à la Haydn u Mozart. Bizet ha dà fadia da cumponer ina sinfonia cun ina clera furma ed in solida basa tonala, dentant senza far stinà da scolar. La zunt equilibrada orchestraziun en quella sinfonia mussa las abilitads da Bizet.
Ils titels en l'emissiun
| TITEL | INTERPRET | CUMPONIST | ONN |
| Die Perlenfischer - Prélude | Orquesta Filarmònia Mexico, Enrique Bàtiz | Bizet, Georges / Comon, Eugène / Carré, Michel | 2003 |
| Bizet Sinfonie C-Dur | Orchestre de Paris, Paavo Järvi | Bizet, Georges | 2009 |
| Carmen. Suite für Orchester, Nr. 1 | Saint Louis Symphony Orchestra, Leonard Slatkin | Bizet, Georges | 1979 |
L’emissiun cun musica classica da differents cumponists ord tut las epocas. Interpretada d’orchesters e solists da renum.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.