Siglir tar il cuntegn

Header

audio
Clara Schumann – Soirées musicales op. 6
Or da La classica dals 06.06.2021.
laschar ir. Durada: 01:00:22 minutas.
cuntegn

La classica Clara Schumann – Soirées musicales op. 6

Gia sco uffant era Clara Schumann (1819-1896) – lura anc Clara Wieck – ina pianista talentada. Ses bab, in scolast da clavazin a Leipzig, ha furmà Clara da l’entschatta sco uffant genial. Tant pli scuidus è il bab vegnì, cura che Clara e Robert Schumann èn s’inamurads.

Il bab è schizunt ì la via giudiziala per evitar che sia figlia maridia Robert Schumann – 9 onns pli vegl ed anteriur scolast da clavazin da Clara. L’amur dal pèrin è però stada pli ferma – il 1840 han Clara e Robert maridà.

A partir da quel mument ha Clara dentant vivì u stuì viver en la sumbriva da ses um ch’era medemamain cumponist e pianist. Da lez temp na deschevi betg che dunnas avessan creà cumposiziuns, ellas dastgavan sin il pli vesair ora bain al clavazin.

Soirées musicales

En quella classica pudais Vus tranter auter udir il ciclus per clavazin cun il titel «Soirées musicales», op. 6. Quella ovra ha Clara Schumann cumponì en la vegliadetgna da bun 16 onns, cur ch’ella gieva sin turnea sco pianista.

L’ovra ha sis moviments ch’èn per exempel titulads cun Mazurka, Polonaise u Ballade. Quels titels regordan zunt fitg ad in auter grond pianist da lez temp, numnadamain a Frédéric Chopin che la pianista-cumponista enconuscheva persunalmain.

Survista

TITELINTERPRETCUMPONISTREGISTRAZIUN
Con passione (ord Scherzo per clavazin nr. 1 d-Moll, op. 10)Konstanze EickhorstClara Schumann1986
Soirées musicales. 6 ovras per clavazin, op. 6, 1. Toccatina, 2. Notturno, 3. Mazurka, 4. Ballade, 5. Mazurka, 6. PolonaiseYoshiko IwaiClara Schumann1996
Variaziuns sur in tema da Robert Schumann per clavazin fis-Moll, op. 20Konstanze EickhorstClara Schumann1986
Romanza per clavazin h-MollKonstanze EickhorstClara Schumann1986
Andante - Allegro (Valses romantiques, per clavazin, op. 4)Jozef De BeenhouwerClara Schumann1991
Con fuoco (ord Scherzo per clavazin nr. 2 c-moll, op. 14)Konstanze EickhorstClara Schumann1986

La Classica 19:00

Artitgels legids il pli savens

Scrollar a sanestra Scrollar a dretga