La classica - Johann Strauss – il retg dal valzer da Vienna (1)

Ils Strauss da Vienna – davart ina famiglia tut autra che armonica! Igl è bain unic en l'istorgia da la musica che dus umens da la medema famiglia, che purtavan il medem prenum, che lavuravan en la medema citad – els faschevan surturt musica da divertiment e saut – giudevan pli u main la medema popularitad: Johann Strauss, il bab e Johann Strauss, il figl. Dentant: lur relaziun era fitg disturbada. En in'emprima part discurra La classica da la relaziun dals Strauss cun il mentur e pli tard concurrent Joseph Lanner, da las uschenumnadas soirées d'ansantes, quellas seras da saut enorm tschertgadas e fitg popularas e da las relaziuns famigliaras dals Strauss, relaziuns tut auter che armonicas. (2. part: La classica dals 15-11-20 19:00 / rep. 22-11-20 15:03: Johann, il figl e sias duas fatschas e las entschattas da sia firma da musica).