Cun Nello Santi perda il mund da la musica in artist carismatic, in dals gronds dirigents dal repertori da l'opera taliana. Santi ha dirigì en las impurtantas chasas dopera dal mund. El ha lavurà ensemen cun ils pli renumads chantadurAs da ses temp. A Turitg ha el scrit istorgia. Passa 60 onns è Nello Santi stà collià fermamain cun l'opera da Turitg. Là ha el dirigì 94 premieras, surtut operas da Verdi, Puccini, Donizetti e Rossini. Sias interpretaziuns valan anc oz sco mussavia dina musica a litaliana. Ils 6 da favrer è maestro Santi mort a Turitg e quai en la vegliadetgna dad 88 onns.
La classica sa regorda da quest grond dirigent ch'ha laschà enavos fastizs er en il Grischun, a Flem. Il settember 2002 è Nello Santi stà osp en in Artg musical da Rosvita Scherrer. Questa emissiun interessanta mussa fitg bain las diversas facettas da quest grond um da la musica taliana. Sper musica dirigida da Nello Santi porta La classica parts da quest discurs dals
21-09-2002.
Ils titels en l'emissiun
TITEL | INTERPRET | CUMPONIST |
---|---|---|
Nessun dorma (aus: Turandot) | Placido Domingo & Orch der Deutschen Oper Berlin | Giacomo Puccini |
La forza del destino, uvertura | Orchestra della Svizzera italiana | Giuseppe Verdi |
Ave Maria (aus: Otello) | Margaret Price | Giuseppe Verdi |
Ernani, Ernani -ivola mi (aus: Ernani) | Joan Sutherland & Orchestre conservatoir Paris | Giuseppe Verdi |
Recitar! (aus: I Pagliacci) | Placido Domingo & London Symphony Orchestra | Ruggero Leoncavallo |
Elisabetta, regina d'inghilterra, uvertura | Orchestra della Svizzera italiana | Gioacchino Rossini |