Ludovico Einaudi cumpona en emprima lingia per il clavazin, dentant betg sulettamain. Gist l’ultim decenni ha el agiuntà instruments d’artg sco er suns e tuns electronics a sias cumposiziuns. A la surfatscha para la musica da sa midar. I tuna magari «pli pauc classic», pli datiers al gener dal pop, pli modern, forsa er pli popular. Dentant, il coc da sias cumposiziuns n’è strusch sa midà en cumparegliaziun cun sias emprimas cumposiziuns dals onns 90.
Musica classica u pop?
Attribuir sia musica ad in gener è magari grev. Sia musica è caracterisada d’elements repetitivs, structuras simplas e paucs moviments armonics, quai che correspunda al minimalissem. Ed en quel chantun sa senta er Einaudi sez, sco i para, il pli tgunsch dachasa:
En general n’hai jau betg gugent definiziuns. Ma ‘minimalissem’ munta eleganza ed avertadad. Uschia preferiss jau da vegnir numnà in minimalist – e betg insatge auter.
Ils titels en l'emissiun
| TITEL | INTERPRET | CUMPONIST | ONN |
|---|---|---|---|
| Divenire | Ludovico Einaudi | Ludovico Einaudi | 2007 |
| The Waves | Ludovico Einaudi | Ludovico Einaudi | 1996 |
| Onde Corte | Ludovico Einaudi | Ludovico Einaudi | 1996 |
| Questa notte | Ludovico Einaudi | Ludovico Einaudi | 1996 |
| Tracce | Ludovico Einaudi | Ludovico Einaudi | 1996 |
| Una Mattina | Ludovico Einaudi | Ludovico Einaudi | 2011 |
| Time Lapse | Ludovico Einaudi | Ludovico Einaudi | 2013 |
| 5. Elements | Amsterdam Sinfonietta e Ludovico Einaudi | Ludovico Einaudi | 2015 |
| Moto perpetuo | Ludovico Einaudi | Ludovico Einaudi | 1998 |
| Cadenza | Cecilia Chailly | Ludovico Einaudi | 1990 |
L’emissiun cun musica classica da differents cumponists ord tut las epocas. Interpretada d’orchesters e solists da renum.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.