«Grosse Romantische Oper in drei Akten» ha Richard Wagner (1813-1883) numnà ses «Tannhäuser und der Sängerkrieg auf Wartburg». 1845 ha quella gì sia primaudiziun e quai a Dresden. Il patratg fundamental è la liberaziun. Nus tadlain l'uvertura, il chor dals pelegrins che turnan da Roma «Beglückt darf nun dich, o Heimat, ich schaun» ed il marsch «Einzug der Gäste auf der Wartburg».
Carl Maria von Weber (1786-1826); ses «Freischütz» vala sco insatge dal pli german insumma. Da quest'opera ch'ha purtà gronda popularitad al cumponist tadlain nus l'uvertura ed il renumà chor dals chatschadurs «Was gleicht wohl auf Erden».
Il terz: Ludwig van Beethoven (1770-1827). Ina suletta opera ha el cumponì, il «Fidelio». Er qua datti in chor che vegn adina puspè dà, il chor dals praschuniers «O welche Lust». Ed er qua datti in marsch fitg renumà.
Redacziun: Giusep G. Decurtins
Ils titels en l'emissiun
| Tannhäuser (ouverture) | Berliner Philharmoniker | Richard Wagner |
| Beglückt dar… (Pilgerchor aus Tannhäuser) | Chor und Orchester der Deutschen Oper Berlin | Richard Wagner |
| Einzug der Gäste… (aus Tannhäuser) | Budapest Symphony Orchestra | Richard Wagner |
| Der Freischütz (ouverture) | Berliner Philharmoniker | Carl Maria von Weber |
| Was gleicht wohl.. (Jägerchor aus Der Freischütz) | Chor und Orchester der Deutschen Oper Berlin | Carl Maria von Weber |
| Fidelio (ouverture) | Staatskapelle Dresden | Ludwig van Beethoven |
| O welche Lust (Gefangenenchor aus Fidelio) | Staatskapelle Dresden & Chor | Ludwig van Beethoven |
| Marsch (aus: Fidelio) | Staatskapelle Dresden | Ludwig van Beethoven |