Quest onn festivescha il mund da la musica classica il giubileum dad in dals gronds cumponists, dad in che ha influenzà e marcà l'istorgia da musica sco mo paucs: Ludwig van Beethoven. Naschì è el a Bonn (Germania) ca. mez december 1770 (battegià 17-12-1770). Il bler da sia vita ha el vivì e lavurà a Vienna. Là è el mort ils 26 da mars 1827.
Quest onn sa fatschenta l'emissiun «La classica» ina giada al mais cun quest grond architect da musica. La terza part porta set da sias 11 uverturas. L'emprima datescha dal 1800 (Prometheus), la davosa dal 1822 (Zur Weihe des Hauses). Beethoven ha scrit uverturas vairas sco: Leonore I-III, Egmont e Fideli. Dad el datti era uverturas faussas che na stattan betg a l'entschatta d'ina opera, d'in oratori – savens è quai musica da program sco: «Zur Namesfeier» u «Zur Weihe des Hauses».
Redacziun: Giusep G. Decurtins
Ils titels en l'emissiun
TITEL | INTERPRET | CUMPONIST |
---|---|---|
Zur Namensfeier, op. 115 | Tonhalle-Orchester Zürich | Ludwig van Beethoven |
Leonore III, op. 72a | Tonhalle-Orchester Zürich | Ludwig van Beethoven |
Die Geschöpfe des Prometheus, op. 43 | Tonhalle-Orchester Zürich | Ludwig van Beethoven |
Coriolan, op. 62 | Tonhalle-Orchester Zürich | Ludwig van Beethoven |
Egmont, op. 84 | Tonhalle-Orchester Zürich | Ludwig van Beethoven |
Zur Weihe des Hauses, op. 124 | Tonhalle-Orchester Zürich | Ludwig van Beethoven |
Fidelio, uvertura, op. 72b | Tonhalle-Orchester Zürich | Ludwig van Beethoven |