Siglir tar il cuntegn

Header

audio
Stella Natalis da Jenkins – In crossover da musica classica
Or da La classica dals 22.12.2019.
laschar ir. Durada: 01:00:06 minutas.
cuntegn

Stella Natalis da Jenkins In crossover da musica classica

En quella Classica pudais Vus tadlar musica dal cumponist contemporan Karl Jenkins. Sias ovras sumeglian magari a musica da film, al pop orchestral u a musicals e magari dovra il cumponist da la Valisa er elements da musica mundiala.

Karl Jenkins è naschì l’onn 1944 en il sidvest da la Valisa. Il pli enconuschent è Jenkins oz grazia a ses project Adiemus. Il 1995 ha el publitgà in album «Adiemus. Songs of a Sanctuary». El descriva quella rimnada da chanzuns sco:

ovra extendida per musica da chors che sa basa bain sin la tradiziun da musica classica, dentant sumeglia il tun dal chant pli fitg a quel da musica etnica u musica mundiala.
Autur: Karl Jenkinscumponist

En questa Classica udis vus ina chanzun or da quella rimnada, numnadamain «Adiemus», en ina interpretaziun sut la direcziun da Jenkin sez. En il center da l’emissiun stat però musica cun tempra da Nadal «Stella Natalis». En Stella Natalis raquenta Jenkins la nuvella da Nadal. I va per pasch, per bainvulientscha, per cumpassiun ed ina nova entschatta. El evochescha la fraternitad da l’entira carstgaunadad e quai senza cunfins.

Per tadlar tut ils moviments na basta in’emissiun d’ina ura betg. Tuttina pon ins constatar tratgs caracteristics da la moda e maniera da cumponer da Jenkins: Ils singuls moviments vivan cunzunt da motivs pregnants, dad in schlantsch, els han per il solit ina simpla structura ritmica che variescha strusch entaifer ina part. Cuntrasts cuntanscha Jenkins cun differenziar la colur dal tun. La musica na sa sviluppescha dentant betg propi entaifer in moviment. Senza vulair categorisar memia fitg pon ins dir che la musica ballantscha insanua tranter musica classica e pop, tranter etnofolk e tradiziuns da chorals europeics.

Survista da chanzuns

TitelInterpretCumponist
Joy to the world: 1. In dulci jubiloMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
AdiemusLondon Philharmonic Orchestra, Adiemus Singers, Karl Jenkins (dir.)Karl Jenkins
Stella Natalis: 1. CelebroMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 2. LullayMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 3. Cantus triquetrusMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 5. WintertideMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 10. Dona nobis pacemMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 11. Sing with joy at ChristmasMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
Stella Natalis: 12. Jubilate DeoMarylebone Camerata, Adiemus Singers, Karl Jenkins (dir. Chor), Jonathan Byers (dir.)Karl Jenkins
The armed man. A mass for peace. BenedictusLondon Philharmonic Orchestra, Susie Park (sopran), Elizabeth Watts (sopran), Lloyd Rachel (mezzosopran), Nicholas Merryweather (bariton), Philip Shakesby (bass), National Youth CHoir of Great BritainKarl Jenkins
White Water (per clavazin)Karl JenkinsKarl Jenkins
Palladio - Allegretto Julien Masmondet (dir.), Orchestre Philharmonique de Monte-CarloKarl Jenkins

RTR La Classica 19:00