Il 1900 devi anc in scumond d’ir cun autos en noss chantun. Quai saja memia privlus per persunas ed animals e disturbia la quietezza en nossas regiuns. Quel scumond resta anc 25 onns, e pir dal 1925 acceptan ils votants grischuns d’introducir er tar nus il traffic d’automobils. Perquai laschain nus sunar in per sauts deditgads a l'auto, als autos da posta, pero er als töfs: «Roman fährt Automobil», «Autofahrt mit Todesängsten», «Postautofahrt uf da Umbrail» ubain «Der Lastwagenchauffeur». Quels tocs laschain nus sunar las chapellas Aarauer Schwyzerörgeli-Fründe, Echo vom Gitschä, Ämmitauer-Gruess, Furkadampf, Ländler-Chutze e las chapellas Schwyzerörgeli-Fründa Felsberg e Tasna.
