Er tar la musica populara datti ils gronds favurits, ils hits e semperverds. En il Grischun èn quai tocs sco: «Obervazer Fecker», «Mier gönd no lang nit hei», «Bündner Maitali» ubain il «Soldanella Schottisch». En autras regiuns sauts sco il «Eggiwiler-Schottisch», il «Ueli-Schottisch» ubain il valser «Im Schwyzerländli». Quels tocs vegnan interpretads da la Chapella Oberalp, ils Engadiner Ländlerfründa, las chapellas Grischuna, Gartehöckler, Peter Zinsli ed autras chapellas da tut la Svizra.
