La chapella Kollegger (l’emprim «Chapella Belfort», lura «St. Moritzer Huusmusig», «Huusmusig Kollegger») è vegnida fundada il 1972. Cun il bab Heinrich Kollegger e ses 8 uffants era ella la pli gronda furmaziun da famiglia da l'entira Svizra. Els sunavan per numerus eveniments a San Murezzan e conturns, però er en auters lieus, ed èn quatras daventads enconuschents.
Ina chapella multiinstrumentala
Ina da lur spezialitads eran ils differents instruments ch’els sunavan: orgelets ed orglas da maun, clarinetta, corn, battaria, flauta, stgellas, tubas, tschaduns da lain e schizunt la resgia. Ils 8 d’avrigl avess Heinrich Kollegger pudì festegiar ses 100avel. Perquai deditgain nus l’emissiun da «musica populara» ad el e sia chapella da famiglia. Els sunan sauts enconuschents da differents cumponists, surtut er da lur perdavant Paul Kollegger. El ch'era clarinettist e cumponist da renum, ina persunalitad impurtanta per la musica populara grischuna, e che ha vivì dal 1872 fin il 1927.
Heinrich Kollegger avess 100
-
Bild 1 von 10. Heinrich Kollegger sin il Piz Nair. Bildquelle: MAD / Andy Koillegger.
-
Bild 2 von 10. Il velo spezial da Heinrich Kollegger. Bildquelle: MAD / Andy Kollegger.
-
Bild 3 von 10. Heinrich Kollegger tar la societad da musica. Bildquelle: MAD / Andy Kollegger.
-
Bild 4 von 10. Heinrich Kollegger (1925-2007). Bildquelle: MAD / Andy Kollegger.
-
Bild 5 von 10. Ina famiglia musicala: Heinrich Kollegger e ses uffants. Bildquelle: MAD / Andy Kollegger.
-
Bild 6 von 10. Far musica cun da tutta sort instruments. Bildquelle: MAD / Andy Kollegger.
-
Bild 7 von 10. Heinrich Kollegger en sia ufficina. Bildquelle: MAD / Andy Kollegger.
-
Bild 8 von 10. Heinrich Kollegger da buna luna. Bildquelle: MAD / Andy Kollegger.
-
Bild 9 von 10. Servetsch tar las pendicularas da San Murezzan. Bildquelle: MAD / Andy Kollegger.
-
Bild 10 von 10. Heinrich Kollegger e ses uffants en il Cussegl grond. Bildquelle: MAD / Andy Kollegger.
