La populara dad oz è ina cun musica dal viv, dal 13avel festival Alpentöne ad Altdorf che è sta dals 17 als 20 d'avust. Quest festival internaziunal preschenta musica alpina, populara, tradiziunala ed experimentala – ed è in dals impurtants es innovativs da ses gener. 40 furmaziuns e chapellas èn stadas sin ils differents palcs: Ils Alpinis, il Ländlerorchester, la chapella Nogler, Doppelbock, Eric Truffaz, l'ensemble da Niculin Janett, il trumbettist Thomas Gansch ed ina furmaziun cun talents giuvens da la musica populara svizra.
In project tut spezial è stada ina collavuraziun da dus scolas autas da musica. Quella da musica e teater da Minca e la scol'auta da Lucerna. Lur concert da sonda, ils 19 d'avust avain nus registrà ensemen cun SRF2 cultura, e quel udis en nossa populara: sauts e melodias svizras e da la Bavaria. Ultra da quai anc in per tocs da la furmaziun dals talents giuvens cun la manadra Patricia Draeger e las musicantas e musicants Andres Flütsch, Simon Gabriel, Alessia Heim, Mattia Mirenda, Théodore Monnet, Marvin Näpflin, Lorène Quinodoz e Curdin Mock.
