Dals Engiadinais vain ditg ch'els hajan encreschadetgna er cur ch'els èn a chasa. Ils Fränzlis (e cun els bleras e blers da Tschlin) resentan questa brama intensiva magari er – pero betg sch’els èn a Vienna. Lura als vai pli u main bain. La brama vers l'ost ha pero ina raschun: l'En collia l'Engiadina ed il Tirol gia dapli eternitads, bler pli ferm, co il Pass dal Flüela cun il rest dal Grischun. Las relaziuns trinaziunalas èn perquai stretgas: i dat in barat transcunfinal da forzas da lavur, recepts da gnocchis e notas da valsers. Cun lur program actual calman ils Fränzlis lur brama e viagian da Tschlin a Vienna (la musica! Ils pasts! la glisch dal passà!) e puspè enavos (l’encreschadetgna!). E durant il viadi prendan els cun sai quai che plascha: flotta paraulas, jodlers, melodias tradiziunalas da Tschlin, Vienna ed auters lieus, tocs preferids d'antruras e cumposiziuns novas che daventan forsa ina giada ils tradiziunals da damaun (a Tschlin, Vienna ed utrò).
