La «Stubete am See» è in dals inscunters impurtants da la musica populara che è mintg'onn la fin davust a Turitg. Quest eveniment survegn uss cumpagnia. Dals 15 als 17 d'october datti er a Segl in Engiadina ina Stubete am See.
La prima ediziun da l’onn passà ha stuì vegnir annullada l’ultim mument, però per quest atun pari che las premissas sajan bunas. Sin in program datti blera musica populara cun 7 furmaziuns che proponan in vast spectrum: da sauts tradiziunals ed innovativs fin tar tuns enconuschents e surprendents. Las furmaziuns vegnan da tut la Svizra e preschentan lur musica cun gronda variaziun e cun blers instruments, dal orgelet al arpet e da l’ukulela a la tiba.
Il program da quests trais dis cuntegn concerts sin palcs en hotels ed en la chasa da scola Champsegl. Pervi da la situaziun da corona datti però reglas strictas. In meter e mez distanza, obligatori da mascrinas, nagina gardaroba e naginas pausas durant ils concert.
Las chapellas e furmaziuns
Appenzeller Echo, Rampass, Sulp, Topf, Evelyn e Kristina Brunner, Neoländler, e la chapella Nogler.
Las furmaziuns da la Stubete am See a Segl 2021
-
Bild 1 von 7. La chapella Appenzeller Echo. Bildquelle: MAD.
-
Bild 2 von 7. Sulp (Swiss Urban Ländler Passion). Bildquelle: MAD.
-
Bild 3 von 7. Topf (Töbi Tobler e Christoph Pfändler). Bildquelle: MAD.
-
Bild 4 von 7. Evelyn e Kristina Brunner. Bildquelle: Nicole heiling.
-
Bild 5 von 7. Neoländler. Bildquelle: MAD.
-
Bild 6 von 7. La chapella Nogler. Bildquelle: MAD.
-
Bild 7 von 7. Rampass. Bildquelle: MAD.