En l’emissiun dad oz dain nus in sguard sin in per eveniments da musica populara ch'èn sin il program durant il mais avust. Suenter dus onns cun blers eveniments che han stuì vegnir annullads datti puspè moviment, ed il chalender d’inscunters da musica populara è emplenì bain. Ils 7 d’avust è l’inscunter da chapellas a Furgglis sur Tschiertschen. Nus preschentain las chapellas ch'èn sin il palc: ils Grischuna Örgeler, grauBÜNDIG, D'Wasewachser, il Ländlertrio Hermann, il duo d’accordeons Just/Meierhans, las chapellas Kapelle Rhygold ed Alp Stätz.
Er en Engiadina datti puspè in inscunter da musica populara, ils 27 d’avust a Strada. Quel era vegnì organisà da Rudolf Fliri da la chapella Engiadina che è mort il 2017. En sia memoria datti ina cuntinuaziun cun. Sin il palc vegnan ad esser: il Trio Jünaiver, cun Nina Grass, Luis Cagienard e Hans Neuenschwander- lura las chapellas Tasna, Engiadina, il Schwyzerörgeliquartett Schliztohrä, l’Echo vom Kontrabass-Shop e la chapella Blazenka che procura per l'avertura.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.