En la «populara» da RTR gratulain nus oz a Hans-Luzi Hunger. Il musicant e cumponist che stat uss a Tusaun è naschì ils 19 da schaner 1953 en la Val Stussavgia ed è commember da fundaziun ed accordeonist da la chapella «Rhygold». El suna er tar la chapella Via Mala – e cun ses figl Bernhard tar il duet d’accordeons Hunger-Hunger. El ha er cumponì blers sauts, per exempel: «Bim Joe uf em Rinerhorn», «So gfallts em Hans Fischer», ubain il schottisch «Fadärasunntig». Hans Luzi Hunger è però er preschent sco promotur da la musica populara, ed el è er stà engascha sco president da l’uniun da musica populara dal Grischun VSV, dal inscunter da chapellas a Landquart ed a favur dal premi da musica populara dal chantun Grischun.
1967-1970 commember da la musica Alpenrösli Stussavgia
1970-1971 accordeonist da la chapella Bündner Bergglocke
1971 commember da fundaziun da la chapella Rhygold
1972-1981 commember dals Schwyzerörgelifründe Felsberg
1992-1999 commember da la chapella Aurora
1993-2000 commember dal VSV Grischun (1 onn vicepresident, 6 onns president, president dal comité d’organisaziun dal inscunter da chapellas a Landquart)
Dapi il 2006 commember da la chapella Via Mala
Dapi il 2006 tar il Handorgelduett Hunger-Hunger
Dapi il 2006 fundatur e president da l’uniun Volksmusikpreis Graubünden
