Per l’emissiun dad oz avain nus prepara bleras scuvertas che nus avain survegni dacurt. In um pensiunà da Churwalden, signur Johann Georg Hold, è s’annunzia tar nus ed ha raquinta da sia collecziun da plattas fonograficas, bleras veglias e schizunt da quellas fitg veglias da shellack che van sin il grammofon cun 78 turas. El è in grond amatur da la musica populara ed ha bleras LP's ch'èn raritads e che mauncan en noss archiv.
Quai ha sveglià noss interess e nus avain digitalisà diversas da quellas per noss archiv ed oz as preschentain nus in per da quellas truvaglias che vus udis forsa per l’emprima giada. Nus avain tschernì registraziuns dals onns 70 e vus udis furmaziuns sco la Ländlerkapelle Arno Jehli, la chapella Grossmann da Cuoira, las chapellas Alpafründa, Arflina e Vorab.
