En «La populara» dad oz datti d’udir marschs, schottischs, valsers e mazurcas da chapellas grischunas. Da la Val Müstair giain nus en Engiadina, a Bravuogn, a Tavau, en il Partenz, lura en il Signuradi e da Cuira en la Tumleastga. E vus udis sauts sco: «Lüener Hühner», «Conterser Schwendi», «Bim Toni im Maiensäss», «Im Bündner-Stübli», «Dia alt Schanfiggerpost» ubain il «Soldanella Schottisch». Quests tocs vegnan interpretads da chapellas e musicantas e musicants da vaglia: dals Bergüner Ländlerfründa, las chapellas Montalin, Vadret, Davoser Ländlerfründa, da Peter Zinsli ed autras chapellas grischunas.
