I va vers la fin da l’onn, e perquai tadlain nus oz sauts che vegnivan sunads pli baud tar ils bals tradiziunals. E da quels deva blers, surtut in Engiadina Bassa. Quels da Babania, da Bumaun, da Mattinadas, il «Bal da la schocca cotschna» e blers auters. En la populara dad oz fain nus reviver quels e vus udis melodias enconuschentas che vegnivan sunadas savens durant quels dis: polcas, valsers, allemandas, mazurcas, hoppers sco: Eviva las mattinadas, la trais-cha da café, il tschigrun, il valser da Mattinadas e’l valser a la veglia. Sunar sunan ils frar Janett e Caviezel, ils Fränzlis da Tschlin, las chapellas Barba Peder, Zavretta ed Erni.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.