Il zercladur cumenza la stagiun d’ir ad alp. Var 1500 pasters e signuns van lura cun vatgas e vadels, chauras e bescha per var 100 dis fin settember sin las alps grischunas. E durant il pli bel temp da l’onn vegnan producidas 600 tonnas chaschiel e 75 tonnas paintg. La vita ad alp vegn er tematisada en blers sauts populars: Alp Sielva, Alp Muranza, Alp Sanaspans, Alp Laret, Prätsch-Alp ubain la Engstligenalp. E vus udis er da festas e star patgific cun ils sauts «Uf Mädrigen», «Sapüner-Chilbi», «La schelpcha» e «Feierabend auf der Alp», tut sauts che vegnan sunads da chapellas enconuschentas da la musica populara.
