1953 ha Slavko Avsenik creà quai nov stil da musica – ed en curt ha el cuntanschì bler public er sur als cunfins da sia patria, la Slovenia. 70 onns pli tard è la musica dad Oberkrain daventada tradiziun ed il biadi da Slavko, Sašo Avsenik, cuntinuescha cun ella. Sin sia turnea celebrescha el «70 Jahre Oberkrainer Sound». Slavko Avsenik (1929-2015) ha vendì radund 36 milliuns portatuns cun ses Oberkrainers.
Da la partida en l'emissiun La Stailalva èn sper las trais generaziuns dals Avseniks, bands da l’Austria, da la Slovenia, dal Tirol dal Sid e da la Svizra.
