La band austriaca die Paldauer è vegnida fundada l’onn 1968 da Franz Griesbacher ed Erwin Pfundner ed els dus èn anc oz activs. Cun ils semperverds “Tanz mit mir Corinna» e «Düsseldorfer Girl» èn els vegni enconuschents mo er cun megahits sco «Na endlich Du», «Ich wär' gern dein Tattoo» ni il hit actual «So bist nur du».
L’istorgia da success dals Calimeros, la band da schlagher svizra, ha cumenzà l’onn 1976. Roland Eberhart e Kurt Wyss han fundà ina saira da cumpagnia ord spir gaudi ina band. Ed oz, quatter decennis pli tard, van els anc adina da hit tar hit. Tranter ils gronds hits èn; “Tausend Liebesbriefe”, “Du bist wie die Sterne so schon” ni il hit actual“ Verliebtes Herz an Bord”. Il tipic Calimeros-Sound va pia en ina nova runda e l’istorgia da success cuntinuescha.
Il Nockalm Quintett da l’Austria è vegnida fundada l’onn 1982 sco band dal schlagher popular. 10 onns pli tard han Gottfried Würcher è ses cumpogns midà stil e cumenzà cun musica da schlagher. Dapi l’onn 2019 fan els parti e diverteschan lur fans mo pli cun il num Nockis. Num e stil han els midà mintgatant mo lur musica cun semperverds sco “ Schuld sind deine himmelblauen Augen” e hits sco “Schwarzer Sand von Santa Barbara” ni il hit actual “Seit 1870” restan e paran da funcziunar er vinavant !
