L’onn 1998 ha la Francine gudagnà cun la chanzun «Das Feuer der Sehnsucht» il Grand Prix der Volksmusik – e quai è sta per ella l’entschatta dad ina carriera da success.
Quest onn sa ella pia festivar ses 25avel giubileum da tribuna. Quai è bain motiv avunda da deditgar La stailalva dad oz a la giubilara. Nus tadlain tuns dal disc da giubileum cun il titel «Leben», main dentant er zic enavos e laschain reviver inqual da ses hits.
