Siglir tar il cuntegn

Header

audio
«Late Lounge Live» La nova plattafurma per musicistAs rumantschAs
Or da Actualitad dals 10.03.2022.
laschar ir. Durada: 3 minutas 31 Secundas.
cuntegn

Late Lounge Live Per tge vai?

In'emissiun crossmediala che dat ina plattafurma a chantaduras e musicists rumantschs per manar lur musica ora en l'entira Svizra.

Late Lounge Live – u era numnà curt «LLL» – è ina saira d'inscunter tranter chantaduras e musicists rumantschs e lur public. En la Lounge da RTR pon ils acts rumantschs preschentar sasez e lur musica live avant in public exclusiv limità. L'emissiun ha in caracter da «late night show», nua ch'i dat in mix tranter musica, intervistas e discurs. La producziun vegn alura emessa sin differents chanals da RTR.

Dapi onns dat la musica grischuna e rumantscha en il tun tar RTR. La cumpart da la musica svizra en ils programs da Radio RTR munta a passa 50%. 35% è musica grischuna e 20% da quella è musica rumantscha. RTR promova ed accumpogna l'ierta culturala e dat a talents da musica, film e litteratura la pussaivladad da far lur emprims pass e vegnir scuverts d'in public vast era sur ils cunfins linguistics ora.

Pascal Gamboni musiziert in der Lounge RTR
Legenda: Pascal Gamboni sco prim giast en la Late Lounge Live qua durant in'emprova. RTR

Vulais era Vus far part live?

RTR pussibilitescha da gudagnar bigliets limitads per tut ils concerts che han lieu en chasa RTR. Ils bigliets vegnan regalads via Radio RTR, sin noss chanals socials e via nossa newsletter.

RTR Late Lounge Live 25-03-2022

Artitgels legids il pli savens

Scrollar a sanestra Scrollar a dretga