Linard Bardill è naschì a Cuira ed ha passentà sia uffanza en la Tumleastga. Suenter la matura ha el fatg in viadi dad in mez onn en l'India. Enavos en Svizra ha el studegià teologia a l'Universitad da Turitg e finì quel studi l'onn 1984. Bainprest ha el barattà la chanzla cun la tribuna, quai sco autur da teater, chantautur e cabarettist.
Dapi dus decennis ha Linard Bardill, che viva oz cun sia famiglia a Scharàns, sa fatg in num sco autur da cudeschs e chanzuns d'uffants. Daspera fa el dentant er programs cun chanzuns per creschids, tranter auter cun ses ami, il chantautur sicilian Pippo Pollina.