Siglir tar il cuntegn
Inhalt

Live tar RTR Bastian Baker tar RTR

Durant ina pausa da la turnea mundiala ensemen cun Shania Twain fa Bastian Baker ina visita en noss studio per preschentar ses nov album.

Bastian Baker avant il logo dad RTR
Legenda: Bastian Baker sin visita el studio dad RTR RTR, Dominic Pohle

Oslo, Minca, Londra, Los Angeles, Montreal ed ussa Cuira. Bastian Baker è il davos mez onn stà per l'entir mund enturn. Il giuven da Losanna è actualmain sin turnea mundiala ensemen cun Shania Twain. Suenter ina pitschna turnea en il Canada il 2015 èn ils dus musicists sa decidids da far quest onn in project pli grond: 80 concerts sin quatter continents.

Sportist daventa chantadur

Bastien Kaltenbacher è creschì si a Losanna. Ses bab Bruno Kaltenbacher era giugader da hockey sin glatsch. Perquai ha Bastien l'entschatta vulì passar en ils fastizs da ses bab ed ha frequentà il gimnasi da sport. El avess lura gì in contract professiunal tar il club da hockey Fribourg-Gottéron. Tuttina ha el cumenzà in studi d'istorgia e franzos, avant ch'el è sa decidì cumplettamain per la musica. Dapi lu ha Bastian Baker publitgà trais albums.

Bastian Baker preschenta Bastian Baker

Fin october ha il giuven chantautur publitgà ses nov album che sa numna simplamain «Bastian Baker». Normalmain numnan artists be lur emprim album suenter sasez. Quest qua è dentant gia ses quart. Tenor il chantadur saja quai dentant ses emprim album internaziunal. E tut las chanzuns èn uschè differentas che nagina na fiss stada adattada per dar ses num a l'entir album. Quai che saja sin il disc saja el sez. Cun sias experientschas e ses stil da musica, di Bastian Baker.

Tge quittais da quest «musicist da via»?

Per RTR è Bastian Baker sa costumà in pau ed è ì sin via per far musica per ils passants. Sch'insatgi ha enconuschì il giuven chantadur, e tge che ils passants han quittà dad el? Guardai sezs…

Legende: Video Bastian Baker – In the streets of Chur abspielen. Laufzeit 02:38 Minuten.
Or da RTR Social dals 05.11.2018.

RR famus e glorius 10:30