Bibi Vaplan vesa cler

Ella preschenta sia chanzun nova «Milli bels guottins» e bainspert cumpara ses album nov «Cler Cler»

Bibi preschenta il favrer ses 6avel disc ch’ella ha registra a Turitg en il Studio «Aquarium» tar Manfred Zazzi cun Martina Berther (bass e chant) e Dario Sisera (batteria). Il resultat: in album cun chanzuns en il stil tipic da Bibi Vaplan, fin, sensibel e melancolic, pero er cun surpraisas e tuns electronics. Sia musica è frestga, cun in bel ritmus, intensitad, ed in bel surrir. Per exempel «Milli bels guottins», sia emprima single che cumpara quests dis. Il disc è in proxim pass enavant en la carriera da Bibi Vaplan, captivont, fascinant e plain creativitad e adina pront per ina surpraisa.

Discografia

Alba da la clozza
2009
Ingio vasch?
2010
Eu vegn cun tai
2011
Sdruogliar2012
Cul vent
2015
Cler Cler
2017

Gia baud cumenzà cun musica

Bianca Mayer è naschida ils 17 da Matg 1979 a Scuol. Dal 2000 fin il 2005 ha ella studegià a la scol’auta da musica a Turitg. Gia durant quel temp ha ella cumenza a cumponer ed a far musica cul num d’artista «Alba da la Clozza» e «Bibi Vaplan».