Matthias Reim è student da germanistica, la musica è però pli interessanta. El ha in'atgna band e cumpona per Roberto Blanco, Jürgen Drews e Bernhard Brink. Bainspert metta el da la vart ils cudeschs e fa sulettamain musica.
Sur notg in star cun ses megahit «Verdammt, ich lieb’ dich»
Il 1990 cumpara ses emprim disc, cun in dals gronds hits dal decenni: «Verdammt, ich lieb’ dich». 16 emnas sin plazza 1 da la parada tudestga! A partir da quel mument esi stà cler: mai pli universitad, sulettamain musica, e milliuns sin il conto.
Ina carriera plain auts e bass
Gronds hits, concerts e tourneas – Matthias Reim è cult e viva ina vita intensiva. El ha 6 unfants da 5 dunnas, abita en ils Stadis Unids, en il Canada, ad Ibiza e Mallorca, a Berlin e Cologna – e per finir al Lai da Constanza. Uss, cun avair surpassà ils 60 sa regorda el, in tip autentic ed onest, che chanta: «Ich will sagen können: Ich habe gelacht,' geweint, geliebt - ich will sagen können: Ich hab alles versucht … ich will sagen können: Ich hab verdammt noch mal gelebt!».
-
Bild 1 von 8. Matthias Reim. ina carriera cun blers auts e bass. Bildquelle: mad/Sven Sindt.
-
Bild 2 von 8. Matthias Reim. suenter ina pausa da dus onns è el da return. Bildquelle: mad/Sven Sindt.
-
Bild 3 von 8. Matthias Reim. è fitg cuntent cun ses disc nov. Bildquelle: mad/Sven Sindt.
-
Bild 4 von 8. Matthias Reim. cun 60 fa el ses 18avel disc. Bildquelle: mad/Sven Sindt.
-
Bild 5 von 8. Matthias Reim. jau hai vivì mita vita. Bildquelle: mad/Sven Sindt.
-
Bild 6 von 8. Matthias Reim. ha vendì milliuns da ses discs. Bildquelle: mad/Sven Sindt.
-
Bild 7 von 8. Matthias Reim. guarda cun optimissem en l'avegnir. Bildquelle: mad/Sven Sindt.
-
Bild 8 von 8. Matthias Reim. cun nov schlantsch en l'avegnir. Bildquelle: mad/Svend Sindt.
Meteor – il 18avel disc
Ses disc nov ha da far pauc cun schlagher, el cuntegn chanzuns da pop da lingua tudestga e mussa er la vart pensiva da Matthias Reim en sias balladas plain istorgias da la vita. In sguard enavos d'in artist cha ha surpassà ils 60.