Oesch’s die Dritten: «Jodelzirkus»

Oesch’s die Dritten è ina dretga furmaziun da famiglia. Ils geniturs Hansueli ed Annemarie cun ils uffants Kevin, Mike e Melanie. Accumpagnads vegnan els anc da l'accordeonist Urs Meier.

Laschar ir video «Oesch's die Dritten - Ziggi u zaggi (Melanie & Mike)»

Oesch's die Dritten - Ziggi u zaggi (Melanie & Mike)

0:41 min, dals 28.10.2016

Oeschs die Dritten fan gia dapi blers onns musica. L’emprim era quai plitost per eveniments en la regiun, pero ina furmaziun cun uffants che fan musia e chantan è adina insatge ch’il public ha gugent.

Il 2007 han els interpretà ina chanzun ch'è daventada lur chanzun clav, lur grond success, il «Ku-Ku Jodel». La furmaziun da famiglia è lura stada savens giast en emissiuns da radio e televisiun e quellas han augmentà lur popularitad. Enfin uss han Oesch's die Dritten dà passa 1500 concerts en 13 pajais ed han ramassà discs d’aur e platin per la vendita da lur albums.

Melanie e Mike Oesch: la famiglia, il «Ku-Ku Jodel» e lur success

Melanie Oesch - Stümpeli

0:21 min, dals 28.10.2016

Melanie Oesch: la chantadura e jodladra

Ina da las raschuns per il success da Oesch's die Dritten è surtut la figlia Melanie cun ses esser avert e cordial e sia abiltad da jodlar.

Lur 9avel disc

«Jodelzirkus» cuntegn blera musica populara cun orgelin, chant e jodel, pero er in per melodias che vegnan d’auters cumponists. Per exempel il semperverd «Butterfly» da Danyel Gerard ubain il toc da country cumponì il 1945 da Fred Rose, «Blue Eyes Crying In The Rain».