Peach Weber – l'«iPeach»

El è probabel il pli enconuschent comicher da la Svizra. Cun in nov program festivescha el quest onn ses giubileum da 40 onns preschientscha sin tribuna.

Suenter la scolaziun da scolast primar è il comicher vegnì enconuschents entras sias chanzuns umoristicas sco «Borkechäfer» u «Überall het’s Pilzli draa». Insatge nov en Svizra, uschia han ses albums gì relativ spert in grond success naziunal. Oz auda ses num franc en il circul dals pli enconuschents comichers da la Svizra.

Il nov program dal 2017 è ses 15avel

Uss va l’um da 64 onns sin turnea da giubileum, e quai cun ses 15avel program. 40 onns è Peach Weber girà da tribuna tar tribuna, e quai per l’entira Svizra enturn. Caracteristic per ses programs è, che betg in è sco l’auter. Tuts èn adina dal tuttafatg novs. En in nov program na surpiglia el nagins elements ord producziuns pli veglias.

Ensemen cun in DC dal nov program «iPeach» edescha Peach Weber era anc in cudesch d’uffants «Zwerg Stolperli».

Laschar ir video «Peach Weber: Älterwerden»

In schatg ord il nov program

4:40 min, Comedy aus dem Labor dals 25.8.2017

Emprova da realisar in record mundial

L’umorist ha gia fatg tras bain in quala buna innovaziun. E per il futur ha el in fitg cler plan. El ha gia uss annunzià ina producziun da giubileum per il 2027 en il Hallenstadion a Turitg. Cun quella acziun vul el metter si il record mundial per la pli lunga prevendita. Quella preschentaziun è gia vendida ora e perquai fa el uss anc ina producziun supplementara il suentermezdi. ;-)

Il ticket da la producziun dal 2027. Bild in Lightbox öffnen.

Legenda da maletgs: Qua il mussament per tut quels che crajan forsa che Peach Weber fatschia be ina sgnocca. MAD

RR Famus e Glorius 10:30