«Heimweh» è in chor da project che ha la finamira d'unir las meglras vuschs virilas da la Svizra. Iniziant e producent da quest project era Georg Schlunegger che ha gia scrit chanzuns per Francine Jordi, Trauffer e Fabienne Louves.
Entant sa concentrescha Georg Schlunegger sulettamain sin la lavur da producent. La fin da questa stad ha Heimweh publitgà il terz album ed er «Vom Gipfel is Tal» è daventà – sco gia ils dus albums avant – numer 1 en la parada da hits Svizra.
Ils chantadurs da «Heimweh» chantan davart il mintgadi: Tranter auter da lur passà u da lur uffants, e quai fan els da moda fitg sincera e simpatica. Tenor il chantadur Räphe, ch'è stà tar nus per raquintar da lur nov album, saja quai il recept da lur success.
Räphe chanta per rumantsch
Ralph Güntlisberger che vegn numnà Räphe è stà en il studio per raquintar dal album nov da «Heimweh». Quella chaschun ha el nizzegià ed ha chantà «In bel anniversari» ensemen cun nossa moderatura Gaby Degonda.
RR famus e glorius