La «Landstreichmusik» cun Matthias Lincke, violina, Elias Menzi, arpet, Matthias Härtel al bass, Jonas Guggenheim, accordeon e Christine Lauterburg, chant, han represchentà la Svizra al Festival da Folk da la EBU a Viljandi in Estonia.
Il festival da la l’Uniun dals radios e da las televisiuns publicas da l’Europa (EBU/UER) è in eveniment da tradiziun cun musicistas e musicants che vegnan da la Scandinavia, da la regiun ibercia, da l’Europa centrala fin dal Balcan. Quai vul dir : in inscunter cun concerts ed eir cun inscunters spontants cun tuns e suns da tut l’Europa, ina sporta da musica enorm vasta cun blers stils fitg differents e savents er cun musica fitg genuina e tradiziunala. E la noziun «folk» vegn tractada en furma fitg vasta, pertge en l’Europa dal ost ha el tut in autra significaziun che en l’Europa dal nord.
Quest festival è vegni organisà gia per la 37avla giada, e quest onn è el ina part dal festival da musica da Viljandi en l’Estonia (www.folk.ee), in dals pli gronds festival da folk en l’Europa, cun sur 100 concerts e 25'000 aspectatus/as. Adina puspè en er furmaziuns svizras da la partida, p.ex. ils Fränzlis da Tschlin il 2007 a Cork, Corin Curschellas avant 2 onns a Rättvik en Svezia e l’onn passà Robin Mark e ses quartet a Cracovia en Pologna.
-
Bild 1 von 16. Reclama per il festival da folk. dapertur vegn fatg reclama per ils concerts. Bildquelle: K.Künzle.
-
Bild 2 von 16. Impressiuns da Viljandi in Estonia. Ina da las bellas chasas da lain a Viljandi. Bildquelle: K. Künzle.
-
Bild 3 von 16. Il festival da folk a Viljandi. Viljandi: in dals pli bels festivals da l'Europa. Bildquelle: MAD.
-
Bild 4 von 16. Il festival da folk a Viljandi in Estonia. Atmosfera paschaivla a Viljandi. Bildquelle: MAD.
-
Bild 5 von 16. Durant las provas. La furmaziun svizra durant las provas per ses concert a Viljandi, e Christine Lauterburg taidla cun attenziun. Bildquelle: RTR/jp.
-
Bild 6 von 16. La «Landstreichmusik" tar lur segund concert a Viljandi. La «Landstreichmusik" ha fatg gist plirs concerts a Viljandi. Bildquelle: RTR/jp.
-
Bild 7 von 16. Atmosfera durant las provas. Tunan tut ils instruments? Bildquelle: RTR/jp.
-
Bild 8 von 16. La «Landstreichmusik» dal viv. La «Landstreichmusik» al festival da folk a Viljandi/Estonia. Bildquelle: RTR/jp.
-
Bild 9 von 16. Violina, contrbass, arpet, accordeon ed orgelin. La «Landstreichmusik» fa provas sin il palc a viljandi. Bildquelle: RTR/jp.
-
Bild 10 von 16. La «Landstreichmusik» . La «Landstreichmusik» sin il palc a Viljandi/Estonia. Bildquelle: RTR/jp.
-
Bild 11 von 16. In concert en il parc. La «Landstreichmusik» ha adina plaschair da far musica per tut quels che passan. Bildquelle: RTR/jp.
-
Bild 12 von 16. Adina da la partida: musicants sin via. a Viljandi datti adina puspe furmaziuns che fan musica sin via. Bildquelle: RTR/jp.
-
Bild 13 von 16. Musica sin via. Er ils commembers da la «Landstreichmusik» fan musica sin l'areal dal festival. Bildquelle: RTR/jp.
-
Bild 14 von 16. Musica sin via. Dapertut datti da tadlar concerts spontans. Bildquelle: RTR/jp.
-
Bild 15 von 16. Er ils talents sa preschentan. Er blers uffants e giuvenils fan musica sin via. Bildquelle: RTR/jp.
-
Bild 16 von 16. Er la «Landstreichmusik» sa preschenta cun in concert spontan. In grond public tar in concert sin via. Bildquelle: RTR/jp.