ANIK
Anik Casutt è da Sagogn ed enconuscha la musica ed il ritmus gia da pitschna ensi. Cun nov onns ha ella cumenzà a dar sin la battaria enfin ch’ella ha chattà la passiun per il chant. Sia vusch è per ella ses instrument per exprimer ses sentiments.
Luis Coray
Luis Coray, artist universal, performer, pictur e musicist, è stà in dals emprims chantauturs rumantschs sursilvans ed è activ dapi ils onns settanta. Luis Coray è er in chantautur cun ina tempra da blues.
NOXX
La band «NOXX» sa cumpona da tschintg musicists ed è naschì d’in project da solo da Tamino Weggler. La band è da chasa a Basilea ma fa musica da pop, rap u rock en dialect Grischun. Caracteristic per lur chanzuns èn ils elements umoristics.
Gianni Tschenett
Gia sco buob da set onns ha Gianni Tschenett cumenzà a far musica. Quella passiun n’ha fin uss, in decenni e mez pli tard, anc betg bandunà el. Il giuven da Schlarigna ha sunà fin oz en diversas bands. Tranter auter er en la band «Airo» ch'aveva cuntanschì il final dal bandXost il 2018. In onn pli tard ha el lura gudagnà ina registraziun per il 48avel Top Pop Rumantsch da RTR.
