Aux-Rango è in duo giuven dal Tessin. Chiara Ceres e Federico Sicilia han fundà lur duo pir il settember 2019. Els èn influenzà da la musica da Soul ed R&B e preschentan musica en in vestgì electronic cun synthesizers, samples e drum machine. Ord quai nascha musica moderna da pop cun insaquants elements classics. Quest onn han els cun «Redlight» publitgà lur emprima single. Cun quella single han els persvadì las redacziuns da musica da SRF, RSI, RTS ed RTR ed èn uss la selecziun dal zercladur. Uss na mettan els dentant betg ils mauns en crusch mabain han nizzegià la quarantina creativamain ed han scrit la proxima chanzun che cumpara la fin da zercladur.
Mx3 – tuts per in Aux-Rango – «Redlight»
I è lur single da debut e gia elegì sco selecziun dal zercladur da l’acziun Mx3 – tuts per in. Durant in mais sa preschentan els ussa en l’entira Svizra en ils radios da RTR, SRF, RTS ed RSI.
Parter
RTR accumpagnament 09:30
Parter