Siglir tar il cuntegn

Header

cuntegn

Mx3 tuts per in december Ele A – «Uno9999»

Talent e gust d’experimentar; Uschia sa preschenta l’artista giuvna Ele A da Lugano. Sia nova chanzun «Uno9999» è ina buna maschaida da Vibes nostalgics e tuns moderns.

Ele A è in'artista giuvna da Lugano. Enfin ussa ha ella publitgà duas EPs. Il zercladur 2022 ha ella preschentà sia emprima EP «Zerodue Demo». Spezial tar questa EP è ch’i dat ella be da cumprar en furma fisica e betg sco download u stream. La proxima EP cun il titel «Globo» è lura gia cumparida l’avrigl da quest onn. Sin quest disc sa chatta era la chanzun «Uno9999». En in’intervista dal radio Raheem ha Ele A tradì ch’ella haja scrit la chanzun las sis la bunura a Trient suenter in Date. In di pli tard ha ella lura tramess sias ideas al producent Disse che ha lura gest sviluppà e producì il beat en il tren. Perquai aveva quest project l’entschatta num «Trento train type beat». Durant l’ultima glimada da la chanzun han els renumnà ella tar «Uno9999». Cun quella sa Ele A uss sa preschentar durant il december en ils radios da RTR, SRF3, Couleur 3 e Rete Tre.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens