Lady Bazaar – My Heart Is Bumping
Fin mars han Lady Bazaar publitgà in nov album cun il titel «Call Me Lady». Sin quel èsi era da chattar la single «My Heart Is Bumping». L’album è naschì suenter dus onns esser sin turnea cun ina nova furmaziun. Uschè ditg haja quai cuzzà fin che la gruppa saja sa chattada e preparada per far in album nov. Quella furmaziun nova sa cumpona da la chantadura Tyssa e dals multi instrumentalists Thibault Martinet, Julien Lemoine, Allan Broomfield e Nathan Vandenbulcke. Durant l’entir matg sa la gruppa ch’è normalmain dachasa sin las tribunas svizras sa preschentar en l’entira Svizra en ils radios da RTR, SRF 3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
