Siglir tar il cuntegn

Header

cuntegn

Mx3 tuts per in november Two and the Sun – «Coastline»

In pèr maridà, multi instrumentalists cun musica ruassaivla fatga a maun – Uschia savessan ins descriver il duo «Two and the Sun» da Winterthur.

Lur musica saja qua per pigliar si e dar in bun sentiment sch’il cor è ina giada pli grevs – quai din Steffi e Joni Müller. Il duo musical e pèr maridà da Winterthur han cumenzà il 2019 cun concerts en stivas. Gia l’onn proxim avessan els gì la pussaivladad da sunar a l’Openair Sogn Gagl ed al Gurten. Sco a blers auters ha era corona mess pals en las rodas da la musicista ed il musicist. Tuttina han els fin uss sunà var 60 concerts e publitgà lur emprima EP. En lur concerts e lur chanzuns s’avran els fitg e raquintan gugent era sur agens problems e difficultads. Ina da quellas chanzuns è «Coastline» ch’è durant il november d’udir en ils radios da SRF 3, Couleur 3, Rete Tre ed RTR.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens