Anfang Bildergalerie
Bildergalerie überspringen
-
Bild 1 von 8. Atgnamain avess tut pudì ir uschè bain: Catharina “Nina” Hagen e creschida si en la DDR en il bel lieu Berlin-Friedrichshain. Sia mamma Eva-Maria è actura e ses bab autur da scenaris per teater e film. Ed era Nina cumenzass gugent ina carriera d’actura. Dentant suenter il divorzi da ses geniturs viva la mamma ensemen cun Wolf Biermann. Bildquelle: Keystone.
-
Bild 2 von 8. Pervia da critica vid il reschim na dastga Biermann betg sa preschentar, e la polizia da stadi mulesta era il rest da la famiglia. Uschia che l’annunzia da Nina tar la scola d’acturas vegn refusada senza motiv. Ella na perda dentant betg il curaschi e cumenzà sco chantadura. Betg ina tuppa idea damai che sia vusch cumpiglia quatter octavas. Bildquelle: Keystone.
-
Bild 3 von 8. 1974 cumenza ella tar la band da rock «Automobil» ed ha gia cun l’emprima single «Du hast den Farbfilm vergessen» success. In hit da stad che vegn anc oz tadlà gugent. Hagen na vegn dentant betg da s’arranschar cun il sistem en la DDR, crititgescha quel avertamain e banduna dus onns pli tard la DDR per star en la Germania dal vest. Bildquelle: Keystone.
-
Bild 4 von 8. 1978 publitgescha ella cun sia atgna gruppa l'emprim album e fa spert carriera. Sia cumparsa extraordinaria, betg taschair avant autoritads ed adina puspè scandals fan daventar ella enconuschenta en l’entira Germania. Tranteren perda ella entras quai era in pau il terren sut ils pes, ha dispitas cun sia gruppa e banduna la finala ses musicists. Bildquelle: Keystone.
-
Bild 5 von 8. Ella cuntinuescha persula, abitescha a Londra, Amstedam ed en ils Stadis Unids da l’America. Ed ella s’interessescha per hinduissem, cristianissem, per religiuns da la natira ed era per extraterresters. Gia baud vala ella sco «enfant terrible» da la musica tudestga e survegn il num «Godmother of Punk» – madritscha dal punk. Bildquelle: Keystone.
-
Bild 6 von 8. Durant la «Neue Deutsche Welle» publitgescha ella ina platta cun musica experimentala ch’è greva da chapir. Pli tard registrescha ella chanzuns cun il producent Giorgio Moroder, che ha gia lavurà cun stars sco David Bowie u Donna Summer. Ina giuvna gruppa ch'empermetta bler, ils «Red Hot Chili Peppers», scrivan per ella la chanzun «Was es ist». Bildquelle: Keystone.
-
Bild 7 von 8. Davent dals onns 90 tutga Nina Hagen tar il repertori naziunal da la Germania. Sch'i dovra insatgi spezial, insatgi «flippig» – lura è ella franc da la partida. 2019 deditgescha schizunt il Museum da teater ad Hannover in’exposiziun sulettamain ad ella. Bildquelle: Keystone.
-
Bild 8 von 8. Trais generaziuns pon ils 11 da mars festivar il 65avel anniversari da Nina Hagen, la figlia Cosma Shiva e la mamma Eva-Maria. Nina celebrescha ses anniversari cun in best of album «Was denn». Ed i vegn segir era a dar la detga festa da natalizi. Bildquelle: Keystone.
Ende der Bildergalerie
Zurück zum Anfang der Bildergalerie.