I dat dis nua ch’i na dat nagin vent, che l’aua e las plantas fan ni hau ni mau. En tschertas regiuns èsi trasora da sentir ina bisa ubain favugn che trai stedi enturn las ureglias. Lura datti ils stemprads, orcans, ciclons e tornados che san cun lur forza immensa sragischar plantas e destruir chasas entiras. Uschè destructivs n’èn noss chors betg, ma era lur chant è fitg variant e sa mussa en differentas fassettas. Oz chantan els da l’aria, dal flad e dal vent.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.