Differentas furmaziuns da dunnas emplainan l’ura da «Noss Chors» dad oz. Furmaziuns pitschnas, ma era chors pli gronds procuran per tuns e suns plain vita e variaziun.
Il Terzet Soreghina dat il culp da partenza en quest’emissiun ch'è deditgada a las dunnas. Durant l’emissiun pudain nus era tadlar divers chors grischuns sco per exempel il «Chor da donnas da Vaz», il «Chor da dunnas Suraua» ni era il «Damenchor Chursüd». Ultra dals chors regiunals preschentan era divers chors internaziunals lur chanzuns.
