L'onn 1986 ha Esther Reinalter-Ernst fundà il chor «Las Filomelas», dirigì el per set onns e lura surdà la batgetta a Jachen Janett. Quel ha tegnì quella enfin avant sis onns. Dapi il 2013 dirigian Ladina Simonelli e Selina Bontognali il chor cun passa 100 uffants da la segunda enfin la 9avla classa da la scola communala da Samedan.
Nu vains surpiglio cun ün po la böglia chi termblaiva, cler, però que ho funcziuno fich bain ed il cor es gnieu dad an in an pü grand.
Da quai temp era l'avegnir dal chor d'uffants intschert, surtut per motivs finanzials. Per ellas èsi dentant stà impurtant da mantegnair il chor per svegliar tar ils uffants il plaschair per il chant.
La gnervusitad da l'entschatta è svanida spert tar las dirigentas. Cun pitschnas midadas han ellas pudì spendrar il chor. Uschia datti per exempel sulettamain duas empè da trais gruppas: Las Filomelas pitschnas cun lur dirigenta Ladina Simonelli e Las Filomelas grondas cun Selina Bontognali.
RR Noss chors 19:00
