L’entschatta da november sa regorda la baselgia catolica da ses sontgs e defuncts. L’emprim da november celebrescha ella tut ils sontgs. Perquai ch’i na dat betg avunda dis durant l’onn per mintga sontg, vegnan els onurads tuts per la festa da Numnasontga. Ils dus da november, il di da las olmas, sa regordan ils catolics da lur defuncts. «Noss Chors» chantan oz chanzuns en memoria da tut ils sontgs e da las olmas.
