Ils emprims gieus da computer èn stads fitg rudimentars e sch’i vevan musica lura è quai savens stà in pipegiar electronic. El decurs dals ultims onns e decennis è quai sa midà fitg. Ils gieus èn daventads pli cumplex e pli elavurads. Ed era la musica è sa midada. Nagut pli cun otg tuns electronics. Uss investeschan las fatschentas blers daners per cumponer chanzuns aposta per lur gieus. Quellas cumposiziuns vegnan lura registradas cun orchesters e chors professiunals. Sco per exempel il «Czech Film Orchestra and Choir» ch’exista gia dapi il 1943.
Tar films è la musica gia stada impurtanta davent da l’entschatta. En il film mit, sco per exempel quels da Charlie Chaplin, è il clavazin stà essenzial. Era qua ha l’industria cinematografica cumenzà baud ad engaschar orchesters e chors per registrar cumposiziuns fatgas a posta per lur films. Ozendi n’èsi betg da s’imaginar in film grond da Hollywood senza musica monumentala e cumponists sco per exempel Hans Zimmer èn renumads sin l’entir mund. La musica sustegn il maletg cun crear l’atmosfera giavischada. Uschia san ins savens mo cun tadlar la musica sch’i è ina cumedia, ina romanza ubain in film da horror.
Per l’emissiun dad oz avain nus perquai selecziunà insaquantas chanzuns da chors ord gieus da computer e films.
Ils titels en l'emissiun
Titel | Interpret | Cumponist |
---|---|---|
Tetris | PXL8 | Nikolai Alexejewitsch Nekrassow |
Invincible (World of Warcraft) | Orphei Drängar & Myrra Malmberg | Russel Brower |
Baba Yetu (Civilisation 4) | Soweto Gospel Choir | Christopher Tin |
Age of Opression (Skyrim) | Orphei Drängar & Myrra Malmberg | Jeremy Soule |
Dragonborn (Skyrim) | Orphei Drängar & Myrra Malmberg | Jeremy Soule |
The Parting Glass (Assassin's Creed 4) | Orphei Drängar | Tradiziunal |
Drunken Sailor (Assassin's Creed 4) | Michiel Schrey | Tradiziunal |
Hymn Of The Faith (Final Fantasy 10) | Orphei Drängar & Myrra Malmberg | Masashi Hamazu |
Set Those Sinners Free (FarCry 5) | The Hope County Choir | Dan Romer |
Build A Castle (FarCry 5) | The Hope County Choir | Dan Romer |
Star Wars Theme | Psycho-Chor Jena | John Williams |
Mhysa (Game of Thrones) | Czech Film Orchestra and Choir | Ramin Djawadi |
Stay A Thousand Years (Game of Thrones) | Czech Film Orchestra and Choir | Ramin Djawadi |
The Passing Of The Elves (Lord of The Rings) | Plan 9 | Howard Shore |
Misty Mountains (The Hobbit) | The Dwarf Cast | Howard Shore |
Path to Heaven (Kingdom of Heaven) | London Session Orchestra & London Bach Choir | Harry Gregson Williams |
In Noctem (Harry Potter and the Half-Blood Prince) | Hogwarts Choir | Nicholas Hooper |
Double Trouble (Harry Potter and the Prisoner of Azkaban) | Hogwarts Choir | John Williams |