Al cumenzament èsi stà be in’idea da vinars e betg in plan concret, di Marcus Petendi, er enconuschent sco «Calandaboi», davart l’emprima chanzun dad ILS DUS DA NUS. Ensemen cun Elias Tsoutsaios ha il musicist e producent engiadinais registrà l’episoda 30 da lur podcast ILS DUS DA NUS, ed a chaschun da quai hai dà ina chanzun. In rap cun il titel «Apollo 11».
Sche tut quels uffants ozendi san far rap cun lur computer, savain er nus far quai
I na saja ozendi betg uschè grev da registrar musica ed i dettia avunda musica nauscha, agiunta Elias Tsoutsaios. Plinavant na duai il podcast quest onn betg finir senza in punct culminant, uschia che l’occasiun era perfecta.
Ina schlepparada
«Apollo 11» è ina schlepparada en tuttas direcziuns che na piglia sasezza betg memia seriusa. Audituras ed auditurs attents chattan en il text viz e parolas envers auters idioms, envers in visavi virtual ma era envers ils protagonists.
I na dat anc nagin bun rap vallader
A moda stravagada giogan ILS DUS DA NUS er cun tematicas sco il luf u tschertas isanzas indigenas, quai dentant cun ina buna presa umur.
Per tgi che vul chantar cun «Apollo» datti qua anc ils pleds: