Siglir tar il cuntegn

Header

audio
«Patria» da la band Diabolic en versiun da brass
Or da Famus e glorius dals 05.04.2022.
abspielen. Laufzeit 9 minutas 48 Sekunden.
cuntegn

Nova musicala «Patria» da la band Diabolic en ina versiun per brass

Ina ballada da rock rumantscha, interpretada d'ina furmaziun da brass.

En la musica datti adina puspè bellas cumbinaziuns e collavuraziuns. I vegn fatg experiments cun far versiuns da pop da melodias popularas, tocs da jazz vegnan duvrads per versiuns classicas ubain ina chapella populara che fa sia versiun d’in semperverd da la musica da rock. Uss datti er ina versiun tut speziala d’in toc da la band Diabolic da la Val Müstair.

«Patria» en versiun per brass

Il 2016 è cumparì l’album «Per sbrüer» dals Diabolics, cun tocs sco: «Cowboy grischunais», «Mare» ed er la chanzun «Patria», ina ballada cumponida da Ivan Zangerle. Da quel datti uss ina versiun arranschada per furmaziun da brass.  

audio
L'idea da far ina versiun da brassband da «Patria»
aus Famus e glorius vom 05.04.2022.
abspielen. Laufzeit 19 Sekunden.

Per cas è el rivà sin Mario Bürki, in dals musicants, dirigents e cumponists ils pli enconuschents da la scena da brass:

audio
Co igl è vegnì a la collavuraziun cun Mario Bürki
aus Famus e glorius vom 05.04.2022.
abspielen. Laufzeit 42 Sekunden.

Mario Bürki ha arranschà la versiun per brass e lura ha el chatta ina fitg buna furmaziun, ina che è stada il 2018 campiunessa svizra en la categoria da l’elita. Quella ha lura exercità e registrà il toc. Ed il resultat cuntenta il cumponist Ivan Zangerle. El spera er ch'autras furmaziuns suna ina giada il toc.

audio
Il cumponist da «Patria» è cuntent cun il resultat
aus Famus e glorius vom 05.04.2022.
abspielen. Laufzeit 48 Sekunden.

Ina Brassband
Legenda: La Brass Band Emmental MAD

La Brass Band Emmental

Avrir la box Serrar la box

La Brass Band Emmental è vegnida fundada il 1993 cun la finamira da porscher a musicantas e musicants passiunads in pussaivladad da sa sviluppar e perfecziunar. Actualmain ha ella 31 commembras e commembers, dirigent è Jan Müller.


Durant ils ultims onns hai dà in per success e puncts culminants: Dal 2017 fin 2019 per exempel las plazzas da podest al campiunadi svizzer da brass, ed il 2018 schizunt il titel da campiun en la categoria elita, la segund auta en Svizra.

RTR accumpagnament 10:00

Artitgels legids il pli savens

Scrollar a sanestra Scrollar a dretga