Siglir tar il cuntegn

Header

audio
Marc Amacher preschenta nova musica
Or da RTR Audio dals 20.11.2021.
laschar ir. Durada: 04:24 minutas.
cuntegn

Nova single «STFU» Marc Amacher preschenta nova musica

Cun bunamain in onn retard preschenta Marc Amacher ses terz album «Grand Hotel» ils 7 da schaner. Cun ina nova single datti gia uss l’emprim segn da vita.

Marc Amacher è musicist da blues, oriund da Brienz en il chantun da Berna ed enconuschent tar in public pli grond dapi il 2016, cura ch’el aveva fatg il pass en il final da «The Voice Of Germany». Malgrà dubiusas offertas suenter la show ed il fauss manager, saja quel palc stà ina buna reclama.

La show m'ha gidà dad esser nua che jau sun oz.
Autur: Marc Amacher Musicist da blues

Suenter in emprim album «8 Days» cun pauc success ha Marc Amacher decis da registrar da nov intginas chanzuns cun ina nova band. Uschia è il 2019 cumparì «Roadhouse». Il medem onn hai lura puspè dà in punct culminant: Trais concerts en il program preliminar dad Eric Clapton.

Quai e stà ina gronda surpraisa da pudair sunar cun in da mes idols
Autur: Marc Amacher Musicist oriund da Brienz

Durant l’emprim lockdown han Marc Amacher e sia Band registrà in nov album en il Grand Hotel Giessbach, ch'era da quel temp senza giasts. 12 chanzuns han ils musicists registrà durant set dis, ina da quellas la nova single «STFU», ch’è naschida or dal frust da l’emprim lockdown.

STFU duai era esser in messadi per quellas persunas che na taidlan betg pli ina sin l’autra.
Autur: Marc Amacher Musicist da blues

L’album «Grand Hotel» cumpara ils 7 da schaner. Enfin lura datti anc intgins concerts acustics da Marc Amacher e ses musicists Norman Süsstrunk (bass) e Dave Flütsch (battaria).

RTR ura culturala 11:00

Artitgels legids il pli savens

Scrollar a sanestra Scrollar a dretga