L’ediziun da quest onn è anc per gronda part en buna memoria e gia cumenza la planisaziun per l’Open Air Lumnezia 2026 a Degen. Il comité d’organisaziun publitgescha durant il december ils emprims acts e cumenza cun la prevendita dals bigliets. Las emprimas musicistas e musicists èn:
Ils acts a l'OAL 2026
-
Bild 1 von 12. La Svizra da 21 onns è stada il 2024 in SRF3 Best Talent, ed avant paucs mais ha ella publitgà ses emprim album. Bildquelle: MAD, Milune.
-
Bild 2 von 12. La giuvna chantautura svizra Eileen Alister ha cumenzà sia carriera musicala cun covers en las reits socialas e fa uss il pass sin ils palcs dals festivals svizzers. Bildquelle: MAD, Eileen Siegenthaler.
-
Bild 3 von 12. Splendid sa numna il duo bernais/turitgais che preschentan lur agen stil da musica «Postmodern Mundart». Bildquelle: MAD, Flavio Karrer.
-
Bild 4 von 12. Il 2015 ha il DJ STVW cumenzà sia carriera musicala cun publitgar chanzuns sin Soundcloud. Bildquelle: STVW.
-
Bild 5 von 12. Il musicist da dancehall Sean Paul ha bun trais decennis experientscha musicala. Bildquelle: Keystone.
-
Bild 6 von 12. Ensemen cun sia crew la “Vokuhila Mafia” che consista da Astro Burger, ANRU ed Areem Vegn Jule X a l'Open Air Lumnezia 2025. Bildquelle: Keystone.
-
Bild 7 von 12. Il duo bernais Lo & Leduc s’auda dapi onns tar la mundart crème de la crème. Bildquelle: Keystone.
-
Bild 8 von 12. Il 2026 è Sens Unik per la terza giada al Lumnezia. Bildquelle: Keystone.
-
Bild 9 von 12. L'anteriur chantadur da la gruppa finlandaisa Sunrise Avenue, Samu Haber è dapi bun quatter onns solo sin via. Bildquelle: Keystone.
-
Bild 10 von 12. Vegn per l'emprima giada era els culms lumnezians: Trauffer. Bildquelle: Keystone.
-
Bild 11 von 12. Betg per l'emprima giada en Svizra – il 2022 è la band «Meute» stada al Paleo Festival a Nyon. Bildquelle: Keystone.
-
Bild 12 von 12. Ils egliers per ir cun skis èn caracteristic per il rapper tudestg Ski Aggu – uschia restia el tuttina in zic anonims. Bildquelle: Keystone.
Milune
In’ulteriura artista actuala da la musica da pop en Svizra è Milune. La chantautura da 21 onns ha publitgà 2024 si’emprima EP «Rabbit Holes» ed è daventada il medem onn SRF3 Best Talent. Be in onn pli tard ha ella lura era gist publitgà ses album da debut «Hearts Lust». En sias chanzuns discurra ella oravant tut da la sanadad mentala, dal chattar sasezza e da la sexualitad. Sia finamira è da crear in «safe space» per carstgauns giuvens, in lieu da s’inscuntrar e d’esser datiers in a l’auter.
Eileen Alister
La chantautura da 22 onns Eileen Alister è creschia si a Turitg. Sco blers acts actuals ha ella cumenzà sia carriera musicala cun publitgar covers da chanzuns sin las raits socialas. Uschia è ella vegnida scuverta d’in producent svizzer. 2024 è ella sa preschentada durant si’emprima turnea da festivals. Tranter auter ha ella là sunà avant l’act internaziunal Hozier avant bun 5000 persunas. Ina nova staila da la musica da pop en Svizra ch’empermetta bler.
Splendid
Tge è “postmodern Mundart”? Quai è la musica ch’il duo bernais/turitgais Splendid fan. Lur musica tanscha da Polo Hofer covers tar autotune vocals maschadà cun diversas ghitarras. Michael Egger (Jeans for Jesus) e Levin Dennler (producent da tranter auter Stereo Luchs, Leila e Trettmann) fan musica ensemen cun Naiara Barzola Balmer, Rico Baumann, GIanna Bollinger e Niklas Stettler – ina maschaida da commembers da diversas furmaziuns svizras.
STVW
Punk-Rave da la Germania datti cun il DJ STVW. Steve W co ses num vegn pronunzià collia EDM cun elements dal pop-punk e rock. Cumbinà cun ina ghitarra electrica ed in battarist è el sin turnea sin l’entir mund. 2015 ha el cumenzà sia carriera musicala cun publitgar chanzuns sin Soundcloud. L’emprim grond success ha el gì 2021 cun «Heartbreak» e «Time Capsule».
Sean Paul
«Sean...da...Paul» – circa uschia cumenzan bleras chanzuns dal dancehall musicist giamaican. Naschì 1973 a Kingston ha el cun 15 retschet ses emprim Keyboard e cumenzà a far musica. Tar ses hits enconuschents s’audan tranter auter «Get Busy», «Temperature» u pli actual collavuraziuns per exempel cun Sia tar «Cheap Thrills». Dal reminent sa referescha sia frasa da l'entschatta da sias chanzuns «Sean...da...Paul» sin il giugader da crichet Shivnarine Chanderpaul.
Jule X
Cun Jule X vegn in ulteriur act da la scena da rap bernaisa a l’Open Air Lumnezia 2026. Ils ultims trais onns è el s’etablì en Svizra cun chanzuns sco «Dr DJ isch», «Zistig» ubain «Nur es Wort» è divers concerts. En sia curta carriera ha el gia publitgà duas EPs: 2024 «Aztäpop» e 2025 «Antistyle». Ensemen cun sia crew la “Vokuhila Mafia” che consista da Astro Burger, ANRU ed Areem ha el dà concerts en divers festivals svizzers.
Lo & Leduc
Il duo bernais s’auda dapi onns tar la mundart crème de la crème ed han 2014 cun l’album «Zucker fürs Volk» procurà per l’emprima giada per lingias grassas. Durant lur ultim concert a Degen il 2022 han Lorenz Häberli e Luc Oggier gì plitost discletg. Amez lur concert hai dà in’interrupziun d’electric e pli tard han els ord motivs da segirtad stuì rumper giu quel cumplet. Lura han els direct annunzià da turnar a Degen per far endretg festa. «nullsiatnov» è fin oz anc adina il «hit per rumantsch» cun il pli grond success.
Fäaschtbänkler
Ils tschintg giuvens da Kriesserns en Sogn Gagl han fundà la gruppa Fäaschtbänklers il 2008. Lur musica è en l’intern da chasa en la musica populara dentant cumbinescha differents geners da oberkrainer, pop, tecno fin musica electronica. Sper il far musica è la gruppa era fitg activa en las raits socialas e publitgeschan regularmain videos. Lur pli enconuschents videos èn quels nua ch’els cumbineschan var 20 geners, chanzuns e stils da musica entaifer paucas minutas.
Sens Unik
Cura ch’els han l’emprima giada dà concert a l’Open Air Lumnezia n’era per exempel Ski Aggu anc gnanc naschì. 1996 e 2010 ha la gruppa da hip hop da Losanna visità la Lumnezia. Fundà 1987 ha la gruppa cun Carlos Leal, Just One, Laurent Biollay e Déborah publitgà fin 2010 sis albums – lura è la gruppa ida dapart. Dapi 2025 fan els puspè ensemen musica e preschentan er oz anc lur hits sco per exempel «Paquito» ubain «Original».
Samu Haber
20 onns è Samu Haber stà il chantadur e tgau da la gruppa «Sunrise Avenue» ch’èn sa schliads il 2022. Lura ha el cumenzà sia carriera da solo ed è daventà commember da la giuria da The Voice of Germany. Ses emprims pass sco artist da solo han lura gì grond success en la Finlanda, internaziunal ha el dentant retschet pauca attenziun. Cun musica englaisa ha el il 2024 puspè pudì far in pass en las paradas da hits internaziunalas. Sia musica ballantscha insanua tranter imnis da punk e balladas d’amur.
Ski Aggu
Il rapper tudestg Ski Aggu porta adina egliers dad ir cun skis ed ha per propi num August Jean Diederich. Uschia è era ses num d’artist vegnì creà “Ski” pervia dals egliers ed “Aggu” sco furma curta da August. 2020 ha il rapper da Berlin publitgà emprimas chanzuns sin la plattafurma Soundcloud. Gia sias emprimas singles han retschet bun resun – l’emprim grond success ha el dentant gì cun «Party Sahne». IL hit musical e quai ch’è stà viral sin social media era il cover da «Friesenjung» ensemen cun Joost Klein (ESC 2024) e l’autur original da la chanzun Otto Waalkes.
Ski Aggu – Friesenjung
Trauffer
Actualmain è el in dals pli enconuschents mundart musicists. Il november 2025 ha il bernais da 46 onns emplenì gist trais giadas il Hallenstadion a Turitg. El porta la festa dal vitg sin las tribunas grondas. 2008 ha el cumenzà cun sia carriera da solo cun l’album da debut «Pallanza». Durant ina visita tar RTR ha el era empruvà da chantar ina da sias chanzuns per rumantsch – u almain ina part.
Meute
L’emprim act preschentà per l’Open Air Lumnezia 2026 è la gruppa tudestga «Meute». Ils endisch umens da la «Techno-Marching_Band» da Hamburg fan dapi il 2015 musica. Els arranschan musica da Techno e House da DJs enconuschents e sunan ils tuns normalmain electronics cun instruments da flad.
Meute live SIN la Elbphilharmonie
L’ediziun 2025 vegn a restar en memoria, betg be pervia da la musica e la festa mabain oravant tut pervia l’aura e la buglia.