-
Bild 1 von 6. The Jackson Five. Jackie, Jermaine, Tito, Marlon e Michael: success sco «Jackson Five», cun la controlla severa da lur bab. Bildquelle: Keystone.
-
Bild 2 von 6. Michael Jackson. 1984 betunà ses status ma er emprimas disditgas . Bildquelle: Keystone.
-
Bild 3 von 6. Michael Jackson. Il 1988 sin la culminaziun da sia carriera. Bildquelle: Keystone.
-
Bild 4 von 6. Michael Jackson. La History World Tour 1996/97 era la terza e davosa turnea mundiala sco artist da solo. Durant quai temp ha el maridà Deborah Jeanne Rowe e daventà bab da dus uffants. Bildquelle: Keystone.
-
Bild 5 von 6. Il 2005 ha Michael Jackson gì dad ir avant dretgira per dar pled e fatg pertutgant la accusaziun da maltractament d'uffants. El è vegnì declerà per nunculpant. Bildquelle: Keystone.
-
Bild 6 von 6. Il 2009 ha Michael Jackson annunzià ses cumià da la tribuna cun ina davosa seria da concerts "This Is It". Schi lunsch na vegn i dentant mai. Michael Jackson mora be duas emnas avant il cumenzament dals concert. Bildquelle: Keystone.
- Naschì: ils 29 d’avust 1958 a Gary/Indiana.
- Geniturs: Joseph Jackson e Katherine Jackson.
- Fragliuns: Rebbie (* 1950), Jackie (* 1951), Tito (* 1953), Jermaine (* 1954), La Toya (* 1956), Marlon (* 1957), Randy (* 1961), Janet (*1966)
- Professiun: «King of Pop», chantadur, cumponist, producent
- Stadi civil: stà maridà duas giadas, 20 mais cun Lisa-Marie Presley, trais onns cun Debbie Rowe.
- Uffants: Prince Michael Junior (*1997), Paris Michael Katherine (*1998), Prince Michael II (*2002).
- Domicil: la «Neverland Ranch» en California.
- Success: ha vendì sur 500 milliuns portatuns ed ha survegnì 14 Grammys.
Uffanza sin il palc
Il 1964 vegn fundada la band «The Jackson Five» cun il pitschen Michael sco star. Il bab Joseph promova rigurus la carriera da ses uffants. Il 1971 fa Michael cun 13 onns ses emprim disc solo. Pli tard cumenza el a collavurar cun il producent Quincy Jones.
Ils onns 80: «Thriller» ed auters success
Cun ses discs «Thriller» e «Bad» fa Michael Jackson in grond svilup ed el daventa il pli grond star da quels onns. Sia musica, ses videos, ses concerts: tut è sin in livel extravagant e da gronda perfecziun. El sa mida però er exteriuramain, sia pel daventa sblatga, ses nas defurmà.
Ils onns 90: «Dangerous» e blers problems
Il 1991 cumpara «Dangerous», ses 8avel disc. Er quel è in grond success. Però i dat er renfatschas pervi d’abus sexual d’uffants. Sia lètg cun Lisa Marie Presley dura be 20 mais. Pauc pli tard marida el a Debbie Rowe e daventa bab da Michael Joseph Jackson (Prince Michael).
Ils onns 2000: il declin
MJ sa retira dal mund e viva cun ses 3 uffants sin la «Neverland Ranch» en California. Il 2009 annunzia el sia ultima turnea «This Is It», ina retrospectiva da sia gronda ovra musicala. Paucas emnas pli tard, ils 25 da zercladur segua la novitad: il «King of Pop» è mort!» El resta però en memoria sco in dals pli gronds artists da tut ils temps.
Semperverds cun Michael Jackson
Il moderatur Sergio Guetg ed il redactur da musica Dominic Pohle han s'occupà durant in'ura da Semperverds cun la musica dal King Of Pop.