Siglir tar il cuntegn

Header

cuntegn

Purtrets 20 onns Maconga

Las stailas da la Surselva cun Mario e Corina Pacchioli e Gaby Degonda.

audio
20 onns Maconga
ord Famus e glorius dals 11.12.2018.
laschar ir. Durada: 5 minutas 26 Secundas.

Maconga: ina band sin ils stizis da la musica dals onns 90

Il 1998 eran Ace of Base, ils Backstreet Boys e Dj Bobo en las paradas da hits. Quella giada aveva Mario Pacchioli 15 onns e cun sia sor Corina e Gaby Degonda ha el fundà la band Maconga. Quai n’era betg in num exotic, mabain ina cumbinaziun da lur prenums: MaConGa.

Il success

Els avevan plaschair da far musica ed eran talentads e cun mezs modests han els registrà lur emprims tocs: Il 1998 il disc «Pertgei» e dus onns pli tard «Alla musica», cun tocs da pop e dance en pliras linguas che faschevan buna luna. «Engraziel», «In siemi», «Auguris» e «Griu da libertad» èn daventads hits rumantschs, tocs ch'eran per quella giada producids fitg bain e che han plaschì ad in grond public che ha lura er emplenì las hallas da concert en terra rumantscha.

La fin da Maconga

7 onns han Maconga fatg musica, lura ha Mario participà a «Musicstar», ha fatg carriera ed è lura ì a Paris, nua ch’el viva anc adina sco musicist, actur e cumponist. Corina è sa deditgada a sia famiglia, e pir uss ha ella puspè chattà il gust e temp per chantar – e Gaby ha cuntinuà suenter Maconga en diversas autras furmaziuns, sco Acavoce.

Datti in return?

Tuts trais savessan s'imaginar da turnar anc ina giada sin il palc cun Maconga, lura però en ina furma dal tut differenta. Però surtut Mario, che viva e lavura a Paris, è fitg engaschà ed ha per il mument autras prioritads.

RR Famus e glorius 10:30

Artitgels legids il pli savens