Siglir tar il cuntegn

Header

Purtret da Corin Curschellas avon grippa en il guaud
Legenda: Back to the roots Corin Curschellas en il guaud sper Siat Sava Hlavacek
cuntegn

Corin Curschellas Back to the roots- enavos tar las ragischs

Ozendi viva Corin Curschellas a Turitg ed a Rueun en la chasa nua ch’ella passentava d’uffant sias vacanzas.

Video
«La Grischa»
Or da RTR dals 04.05.2012.
laschar ir

Il return en il Grischun va maun en maun cun il return a las ragischs musicalas: suenter ina saira en in’ustaria a Vella, nua che nagin saveva pli tuttas strofas da “la canzun dil bau” decida Corin Curschellas da far giu pulvra a la chanzun populara rumantscha. Nova vita duain las veglias chanzuns survegnir!

Cun Albin Brun, Patricia Draeger e Claudio Strebel registrescha ella il 2012 l’album “La Grischa” e va en turnea tras tut la Svizra.

"La Grischa" - l'emprim project da Corin Curschellas enturn la chanzun populara rumantschamad

Per che las chanzuns popularas rumantschas na vegnian betg mo tadladas, mabain era chantadas cumpara il cudesch da chanzuns “La Grischa 1”.

Il 2013 cumpara l’album “Origins (trad.)”. Sco tar l’album La Grischa è Corin Curschellas sa messa a la tschertga da chanzuns popularas ed ha arranschà quellas da nov. L’album è registrà cun la furmaziun Pflanzplätz ed il violinist Andy Gabriel.

"Origins (trad.)" - il segund project da Corin Curschellas enturn la chanzun populara rumantschamad

Il 2015 suonda il terz album da Corin Curschellas enturn la chanzun populara rumantscha. Cun Ursina Giger ed Astrid Alexandre turna Curschellas a l’essenza da la chanzun populara: il chant a capella.

Video
La triada - Telesguard
Or da RTR dals 19.09.2015.
laschar ir

Pli a funs che Corin Curschellas va a chavar per tschertgar veglias chanzuns popularas, e dapli truvaglias ch’ella fa.

Uschia èsi nagut auter che natural ch’era in quart project vegn creà: “La Nova”. Quest album cumpara il november 2016 e cuntegna registraziuns da Corin Curschellas cun Vera Kappeler, Markus Flückiger, Peter Conradin Zumthos ed Anna Trauffer.

Video
«La Nova»
Or da RTR dals 26.01.2015.
laschar ir

L’emprim d’october festivescha Corin Curschellas ses anniversari cun ina gronda saira culturala en il Teater da la citad da Cuira. Quella saira vegn ella era a preschentar ses nov cudesch cun chanzuns popularas rumantschas: “La Grischa 2”

"La Grischa 2" - il cudesch da chanzuns cuntegn 2 discs ("La Triada & "La Nova") e las notas da las chanzuns dals albums.RTR, I. Jaeger

aa/gdp